2026 ජනවාරි මස Green Team වැඩසටහන ලෙස හොරම්පැල්ල දකුණ ග්රාම නිලධාරී වසමේ තෝරා ගත් පවුල් 50 ක් සඳහා ගෙවතු වගා බීජ පැකට් ලබා දීම හා ඒවා රෝපණය කිරීම පිළිබඳ පුහුණු වැඩසටහන 2026.01.20 දින හොරම්පැල්ල දකුණ ග්රාම නිලධාරී වසමේදී ගරු ප්රාදේශීය ලේකම් තනුජා රාජකරුණා මැතිණියගේ ප්රධානත්වයෙන් ඉතා සාර්ථකව පවත්වන ලදී.
මෙම වැඩසටහන සඳහා මාබොදල කෘෂිකර්ම උපදේශක නිලධාරී, මාබොදල ගොවිජන සේවා මධ්යස්ථානයේ නිලධාරීන්, කෘෂිකර්ම සංවර්ධන නිලධාරී, ඵලදායිතා සංවර්ධන නිලධාරි, Green Team සාමාජික නිලධාරීන්, ග්රාම නිලධාරීන්, සංවර්ධන නිලධාරීන් සහ ප්රදේශවාසීන් රැසක් සහභාගී විය. මෙහිදී මාබොදල කෘෂිකර්ම උපදේශක නිලධාරී චමීර සෙනෙවිරත්න මහතා විසින් එක් එක් බීජ රෝපණය කරන ආකාරය, ඒවාට අවශ්ය පරිසර සාධක, සතුන්ගෙන් බෝග වලට වන හානි අවම කර ගන්නා ආකාරය යනාදිය පිළිබඳ ප්රදේශවාසීන් දැනුවත් කරන ලදී
