ප්‍රාදේශීය ලේකම් කාර්යාලය - මිනුවන්ගොඩ

මිනුවන්ගොඩ ප්‍රාදේශීය ලේකම් කාර්යාලය හා   මිනිස් බල හා රැකිරක්ෂා දෙපාර්තමේන්තුව එක්ව සංවිධානය කරන ලද රැකියා පොළක් 2025.03.14 දින මිනුවන්ගොඩ ප්‍රාදේශීය ලේකම් කාර්යාලීය ශ්‍රවනාගාරයේදී පවත්වන ලදි.

මිනුවන්ගොඩ ප්‍රාදේශීය ලේකම් තනූජා රාජකරුණා මහත්මියගේ මඟ පෙන්වීම හා උපදෙස් පරිදි පවත්වන ලද මෙම රැකියා පොළ වැඩ සටහන සඳහා සහකාර ප්‍රාදේශීය ලේකම් ඩී.ජේ.ජී.ආර්.වයි. ඒ . දිසානායක මහත්මිය, දිස්ත්‍රික් වෘත්තීය මාර්ගෝපදේශන නිලධාරි රූපීකා කන්නන්ගර මිය, ගම්පහ විදේශ රැකියා දිස්ත්‍රික් සම්බන්ධීකරණ නිලධාරි බී.ඒ.ඩී.සී. නිරෝෂන් මහතා, මානව සම්පත් සංවර්ධන නිලධාරි රෝහණ ජයලත් මහතාද මේ සඳහා සහභාගී විය.

මෙම අවස්ථාවට පුද්ගලික අංශය නියෝජනය කරමින් ආයතන 10 ක් සහ පුහුණු ආයතන 03 ක් ද රැකියා අපේකෂිත තරුණ තරුණියන් 250 ට වැඩි පිරිසක් මෙම අවස්ථාවට සම්බන්ධ විය. මෙම වැඩ සටහන සම්බන්ධීකරණය හා සංවිධාන කටයුතු මිනුවන්ගොඩ ප්‍රාදේශීය ලේකම් කාර්යාලීය මානව සම්පත් නිලධාරින් වන ලලනි කුඩාහෙට්ටි හා එරන්දි මල්ලවආරච්චි යන මහත්මීන් විසින් සිදු කරන ලදි.

මිනුවන්ගොඩ ප්‍රාදේශීය ලේකම් කාර්යාලයීය Green Team – Minuwangoda මිනුවන්ගොඩ ප්‍රාදේශීය සභාවේ සහයෝගය ඇතිව 2025.02.28 වන දින මාබොදල වැව අවට පිරිසිදු කිරීමේ වැඩසටහනක් දියත් කරන ලදී. මිනුවන්ගොඩ ප්‍රාදේශීය ලේකම් තුමිය තනුජා රාජකරුණා මැතිණියගේ ප්‍රධානත්වයෙන් මෙම වැඩසටහන සාර්ථකව පැවැත්විණි. මේ සඳහා මිනුවන්ගොඩ Green Team – Minuwangoda නිලධාරීන්,ග්‍රාම නිලධාරීන්, සංවර්ධන නිලධාරීන්, මිනුවන්ගොඩ ප්‍රාදේශීය සභාවේ නිලධාරීන් මෙන්ම ප්‍ර දේශවාසීන් රැසක් ඉතා කාර්යත්ෂමව සහභාගී විය. මෙය මිනුවන්ගොඩ කොට්ඨාශයේ පැවැත්වූ පළමු Clean Sri Lanka වැඩසටහන ද විය.

මෙහිදී මාබොදල වැව අවට ඇති අපද්‍රව්‍ය (ප්ලාස්ටික් /පොලිතීන්/වීදුරු) ඉවතත් කිරීම, වැව අවට තණකොළ කපා ඉවත් කිරීම, JCB යන්ත්‍රයක් ආධාරයෙන් වැව අවට ඇති වැටකෙයියා පඳුරු ඉවත් කිරීම, වැව තුළ ඇති අපදුව්‍ය ඉවත් කිරීම, වැව අවට ඇති ක්‍රියා විරහිත වීදි පහන් අළුත්වැඩියා කිරීම වැනි දෑ සිදුකරනු ලැබීය.

"තැනුමට තිරසර හෙටක් - සවිමත් ඇය වේ මගක් " තේමාව යටතේ 2025.03.08 දිනට යෙදුණු ජාත්‍යන්තර කාන්තා දිනයට සමගාමිව මිනුවන්ගොඩ ප්‍රාදේශීය ලේකම් කොට්ඨාසයේ කාන්තා බල මණ්ඩලය වෙනුවෙන් සංවිධානය කරනු ලැබූ ජාතික සැමරුම් උත්සවය 2025.03.07 සිකුරාදා දින මිනුවන්ගොඩ ප්‍රාදේශීය ලේකම් කාර්යාලයේ ශ්‍රවණාගාරයේ පැවැත්විය.

මෙම අවස්ථාවට ප්‍රාදේශීය ලේකම්තුමිය,සහකාර ප්‍රාදේශීය ලේකම්තුමිය හා කාන්තා හා ළමා අංශයේ නිලධාරීන් සහභාගි විය .

උපදේශන නිලධාරී නිමාලි පෙරේරා මහත්මිය විසින් විශේෂ දේශනයක් පැවැත් වූ අතර මෙදින සහභාගි වූවන් සදහා නොමිලේ රූපලාවණ්‍ය වැඩමුළුවක් හා රූපලාවණ්‍ය සත්කාර කර ගැනීමට අවස්ථාවක් සලසා දෙන ලදී.

විශේෂ ආරාධනයෙන් පැමිණි වෛද්‍ය ප්‍රියදර්ශන බෙන්තොටආරච්චි මහතාගේ දේශනයෙන් අනතුරුව රූපලාවණ්‍ය නිෂ්පාදන මිලදී ගැනීමට අවස්ථාවක් ලබා දෙමින් වැඩසටහන අවසන් විය .

2025.02.07 දිනමිනුවන්ගොඩ කොට්ඨාසයේ , නාලපහ ග්‍රාම නිළධාරී වසමේ Happy Kids පෙරපාසලේ දරුවන් ගේ දෙමාපියන් දැනුවත් කිරීමේ වැඩසටහනක් එම පෙර පාසලේදී පවත්වන ලදී .

වසමෙහි සංවර්ධන නිළධාරී අනෝමා මහත්මිය ගේ සන්විධානය සහ ග්‍රාම නිලධාරී තුමියගේ ප්‍රධානත්වයෙන් මෙම වැඩසටහන පවත්වන ලදි.

මුල් ළමාවිය සංවර්ධනය සහ සෙනෙහස පිරුණු පවුල් ඒකකයක් පිළිබඳව මෙම වැඩසටහනේදී දැනුවත් කරන ලදී .පෙර පාසලේ පාලිකාතුමියගේ උනන්දුව හා ලබාදුන් සහයෝගය ඉතා වැදගත් ය.

මෙම වැඩසටහන උපදේශන නිළධාරී ජේ. කේ. නිමාලි ප්‍රියන්ගනී පෙරේරා මහත්මිය විසින් සිදු කරන ලදි.