ප්‍රාදේශීය ලේකම් කාර්යාලය - මිනුවන්ගොඩ

මානසික සෞඛ්‍ය හා උපදේශණ දින සැමරුම් උත්සවය 2024.10.11 වෙනි දින මිනුවන්ගොඩ ප්‍රාදේශීය ලේකම් කාර්යාලයේදී ගරු ප්‍රාදේශීය ලේකම් තුමියගේ ප්‍රධානත්වයෙන් පැවැත්විණි.

“වැඩබිමේදී මානසික සෞඛ්‍ය සුරක්ෂිතාවය පිළිබඳව ප්‍රමුඛතාවය දී සලකමු” යන තේමාව මුල්කර ගනිමින් සෞඛ්‍ය වෛද්‍ය නිලධාරි අනුජ ප්‍රනාන්දු මහතාගේ සහභාගීත්වය හා සහකාර සෞඛ්‍ය වෛද්‍ය නිලධාරි දයාන් සමරසේකර මහතාගේ දැනුවත් කිරිමේ දේශණයක් ද පැවැත්විය.

උපදේශන නිලධාරි ජේ.කේ. නිමාලි ප්‍රියංගනී පෙරේරා මහත්මිය ඇතුළු සංවර්ධන නිලධාරින්ගේ සහභාගීත්යෙන් මානසික සැහැල්ලුකරණය වෙනුවෙන් සංවර්ධන වැඩ සටහන මෙහෙයවන ලදී.

උපදේශන වෘත්තිකයන්, කාර්යාලයේ මාණ්ඩලික නිලධාරින් ඇතුළු කාර්ය මණ්ඩලය, ආර්ථික සංවර්ධන නිලධාරින් මෙම උත්සවය සඳහා සහභාගී විය.

ප්‍රාදේශීය ලේකම්තුමියගේ උපදෙස් පරිදි උපදේශන නිලධාරි ජේ.කේ. නිමාලි ප්‍රියංගනී පෙරේරා මිය විසින් වැඩ සටහන සංවිධානය කරන ලදී.

අධිකරණ බන්ධනාගාර කටයුතු ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍යංශය යටතේ ක්‍රියාත්මක වන ජාතික සමගිය හා ප්‍රතිසන්ධානය සඳහා වන කාර්යලයේ ප්‍රතිපාදන මත මිනුවන්ගොඩ ප්‍රාදේශීය ලේකම් කොට්ඨාසයේ සුජාතා දහම් පාසලේ දූ දරුවන් සඳහා අගෝස්තු 11 වන ඉරු දින “සංහිඳියාවේ සුසංහිත ගී මාත්‍රා” රසවින්දන වැඩසටහන සුජාතා දහම් පාසල් පරිශ්‍රයේදී මිනුවන්ගොඩ ප්‍රාදේශීය ලේකම් යූ.ඩබ්ලිව්.ටී.යූ රාජකරුණා මහත්මිය සහ දිස්ත්‍රික් ජාතික ඒකාබද්ධතා සම්බන්ධීකාරක නිලධාරී ඇතුළු ගම්පහ දිස්ත්‍රික්කයේ සියළුම ජාතික ඒකාබද්ධතා සම්බන්ධීකාරක නිලධාරීන්ගේ සහභාගීත්වයෙන් සාර්ථක ලෙස පවත්වන ලදී.

නූතන සමාජයේ තාක්ෂණයට කොටුවී සිටින දූ දරුවන්ගේ රසවින්දනය උදෙසා ගීතය සෞන්දර්යාත්මකව ලබාදීම සහ රසවින්දනයට හුරු කරවීම තුලින් සංවේදී සාමානාත්මතාව අගයන සහ සහජීවනයෙන් සුසැඳි අනාගත පරපුරක් බිහි කරවීම මෙම වැඩසටහනේ අරමුණයි.

ගම්පහ දිස්ත්‍රික්කයේ සියලුම ප්‍රාදේශීය ලේකම් කාර්යාලවල විවිධ ඉලක්කගත කණ්ඩායම් සඳහා මෙම වැඩසටහන ක්‍රියාත්මක කරවීමට නියමිත අතර මිනුවන්ගොඩ ප්‍රාදේශීය ලේකම් කාර්යාලයේ පැවැත්වූයේ වැඩසටහන් මාලාවේ තෙවන වැඩසටහනයි.

සියලු වැඩසටහන් සඳහා සම්පත් දායකත්වය ලබා දෙන්නේ ගම්පහ දිස්ත්‍රික්කයේ ප්‍රාදේශීය ලේකම් කාර්යාලවලට අනුයුක්ත ජාතික ඒකාබද්ධතා සම්බන්ධිකාරකවරුන් වීම මෙහි ඇති විශේෂත්වයයි.

මිනුවන්ගොඩ ප්‍රාදේශීය ලේකම් කාර්යාලයේ ජාතික ඒකාබද්ධතා සම්බන්ධීකාරක බී.ඒ.චමිලා හේමන්ති මහත්මිය විසින් මෙම වැඩසටහන සම්බන්ධීකරණය කරන ලදී.

සාහිත්‍ය නිර්මාණ පරිවර්තන තරගාවලිය සදහා අයදුම් කිරිම - 2023

WhatsApp Image 2023 01 09 at 16.59.511

IMG 20230127 WA0010

වැඩිදුර තොරතුරු සදහා

මිනුවන්ගොඩ ප්‍රාදේශීය ලේකම් තනුජා රාජකරුණා මහත්මියගේ ප්‍රධානත්වයෙන් බද්ධ දූරියන් පැළ බෙදාදීමේ හා පුහුණු වැඩසටහනක් 2024.08.08 දින උඩුගම්පල කෘෂිකර්ම උපදේශක කාර්යාලයේදී සිදු කෙරුණි.

උඩුගම්පල ආර් .ජේ. කේ. එල් රණතුංග මහතාගේ ඉඩමේ බද්ධ දූරියන් පැළයක් රෝපණය කළ අතර සංකේතාත්මකව පැළ බෙදා දීම සිදුකරනු ලැබීය.ඉදිරියේදී නිර්දේශිත ප්‍රභේද වන අඹතැන්න, හොරණ ගෝල්ඩ්, කසුන් , හොරණ ජම්බු වර්ගයේ අධිශ්‍රේණියේ බද්ධ දූරයන් පැළ දාහක් සහ සෙවණ දැල් කෘෂිකර්ම හා වැවිලි කර්මාන්ත අමාත්‍යාංශයේ ප්‍රතිපාදන යටතේ ගොවි මහත්ම මහත්මීන්ට ලබා දීමට කටයුතු සැලසුම් කර ඇත. ආහාර සුරක්ෂිතතාවය හා තාක්ෂණ වැඩසටහන යටතේ දූරියන් වගාව ආර්ථික භෝගයක් ලෙස ප්‍රචලිත කිරීමේදී වැදගත්කම පිළිබඳව ගම්පහ දිස්ත්‍රික් ලේකම් කාර්යාලයේ දිස්ත්‍රික් කෘෂිකර්ම අධ්‍යක්ෂ සන්ධ්‍යා කුමාරි මහත්මිය විසින් අදහස් ප්‍රකාශ කරන ලදී.

දූරියන් වගාව සඳහා එයට උචිත දේශගුණික අවශ්‍යතා හා පස , බිම් සැකසීම , පරතරය , සිටුවන ස්ථානය , වල සැකසීම , පැල සිටවීම , පැළ නඩත්තු කිරීම , පැළ දැඩි කිරීම, සෙවන සැපයීම, පොහොර යොදන ආකාරය , වගාවට ජල සම්පාදනය , වල් පැළෑටි පාලනය , රෝග හා පලිබෝධ හානි පිළිබඳව පැමිණ සිටි ගොවි මහත්ම මහත්මීන් දැනුවත් කිරීම සිදුකරනු ලැබීය.

මේ සඳහා සම්පත් දායකත්වය ලබා දෙනු ලැබුවේ හොරණ පලතුරු පර්යේෂණ ආයතනයේ දූරියන් වගා පිළිබඳ පර්යේෂණ නිලධාරී ලහිරු මාකලන්ද මහතා, බස්නාහිර පළාත් කෘෂිකර්ම දෙපාර්තමේන්තුවේ ගම්පහ - කැලණිය භාර සහකාර අධ්‍යක්ෂ ශාන්ති රණසිංහ මහත්මිය සහ උඩුගම්පල කෘෂිකර්ම උපදේශක නුවන් එදිරිසූරියආරච්චි මහතා විසිනි.පැලයක් නිවැරදිව ක්ෂේත්‍රයේ ප්‍රායෝගිකව රෝපණය කරන ආකාරය පිළිබඳව ගොවීන් දැනුවත් කරනු ලැබීය. මෙම වැඩසටහන සංවිධානය කරනු ලැබුවේ මිනුවන්ගොඩ ප්‍රාදේශීය ලේකම් කාර්යාලයේ කෘෂිකර්ම අංශය විසිනි.

මෙම වැඩසටහන සඳහා කෘෂිකර්ම උපදේශක නිලධාරීන්, ගොවිජන සංවර්ධන ප්‍රාදේශීය නිලධාරී, කෘෂිකර්ම පර්යේෂණ හා නිෂ්පාදන සහකාර නිලධාරීන්, රාජ්‍ය නිලධාරීන් හා ගොවි මහත්ම මහත්මීන් ඇතුළු හැටක පමණ පිරිසක් සහභාගී විය.