මිනුවන්ගොඩ ප්‍රාදේශිය ලේකම් කාර්යාලයේ ඉතිහාසය

මිනුවන්ගොඩ උප දිසාපති කාර්යාලය ප්‍රථමයෙන් පිහිටවූයේ මිනුවන්ගොඩ ගම්පහ මාර්ගයේ අඹගහවත්ත ප්‍රදේශයේ  පිහිටා තිබු නිවසකය. ඒ 1973    වර්ෂයේදීය.එවකට එහි ආරම්භක කාර්ය මණ්ඩලය ඉතා සුළු පිරිසක් වු මෙහි ප්‍රථම උපදිසාපති වුයේ සුනිල් පද්මසිරි මහතාය.මිනුවන්ගොඩ උප දිසාපති කාර්යාලය ප්‍රථමයෙන් පිහිටවූයේ මිනුවන්ගොඩ ගම්පහ මාර්ගයේ අඹගහවත්ත ප්‍රදේශයේ  පිහිටා තිබු නිවසකය. ඒ 1973    වර්ෂයේදීය.එවකට එහි ආරම්භක කාර්ය මණ්ඩලය ඉතා සුළු පිරිසක් වු මෙහි ප්‍රථම උපදිසාපති වුයේ සුනිල් පද්මසිරි මහතාය.
වර්ෂයේ මෙම කාර්යාලය අඹගහවත්ත ප්‍රදේශයේ සිට කටුනායක - වේයන්ගොඩ මාර්ගයේ මිනුවන්ගොඩ නාලන්දා පිරිම් විද්‍යාලය ඉදිරිපිට පල්ලියට අයත් නිවසකට ගෙන එන ලදි. පසුව මෙම නිවස රජයට පවරාගෙන උපදිසාපති කාර්යාලය ස්ථිරවම එම නිවසේ ස්ථාපිත කරන ලදී.
1989 වර්ෂයේ පැවති භීෂනයේ දී නාඳුනන පිරිසක් විසින් ගිණි තැබීමෙන් කාර්යාලීය ලිපිගොණු සම්පුර්ණයෙන්ම විනාශ විය.එම තත්වය යටතේ වුවද පැරණි ගොඩනැගිල්ලේම යලි කාර්යාලීය කටයුතු ආරම්භ කිරිමට එවකට උපදිසාපති වු සුනිල් පද්මසිරි මහතා කටයුතු කළේය.
කාර්යාල කටයුතු සදහා පැරණි ගොඩනැගිල්ලේ ඉඩකඩ ප්‍රමාණවත් නොවු හෙයින් 1992 වසරේ දී නව දෙමහල් ගොඩනැගිල්ලක් සදහා මුල්ගල තබන ලදී.එවකට ප්‍රාදේශීය ලේකම් වුයේ ජී.ඇල්.ගුණසිංහ මහතාය.
නව ගොඩනැගිල්ලේ කාර්යාල කටයුතු ආරම්භ කලද සම්පුර්ණයෙන්ම කාර්යාලයේ සේවා අංශයන් එහි ස්ථාපිත කල නොහැකි වු බැවින් පැරණි නිවස ද තව දුරටත් භාවිතා කරන ලදී.
2007 වර්ෂයේ දී පැරණි ගොඩනැගිල්ල වෙනුවට නව ගොඩනැගිල්ලක් සඳහා මුල්ගල තබා 2008 ජනවාරි මස එය විවෘත කර ප්‍රාදේශීය ලේකම් කාර්යාලයේ සේවා අංශ එහි විධිමත්ව  ස්ථාපිත කරන ලදි.